Siglir tar il cuntegn

Header

cuntegn

Nossa litteratura Leo Tuor

Leo Tuor, naschì ils 29-05-1959 a Glion.

Leo Tuor è creschì si a Rabius e Mustér. Suenter il gimnasi a Mustér suondan studis da filosofia, istorgia e litteratura a Turitg, Friburg e Berlin. Gia durant quel temp era el redactur da la gasettina studentica «La Talina». Diversas stads ha el passentà ad alp sco nurser sin la Greina. Durant intgins onns ha l’autur lavurà sco documentalist tar la Televisiun Rumantscha. Oz viva e lavura el cun sia famiglia a Val/Surrein.

Leo Tuor scriva raquints, essais, columnas, istorgias curtas e contribuziuns per antologias, revistas e gasettas. Sias ovras vegnan translatadas regularmain en autras linguas. Sia ovra principala furma la trilogia sursilvana cun «Giacumbert Nau», «Onna Maria Tumera» e «Settembrini». Dasper sia lavur sco autur, è el era translatur ed editur. Uschia ha el p.ex. edì dal 1994 enfin 2000 – ensemen cun Iso Camartin – l’entira ovra da Giacun Hasper Muoth.

Intginas ovras:

  • Sisifem (1981)
  • Il tgaper da Crestliandras (1983)
  • Giacumbert Nau (1988)
  • Onna Maria Tumera (2002)
  • Settembrini (2006)
  • Catscha sil capricorn en Cavrein (2010)
  • Auf der Suche nach dem verlorenen Schnee (2016)

Intginas distincziuns:

  • Premi da la Fundaziun Schiller, 1988 e 2007
  • Premi da la Fundaziun da giubileum SBG, 1988, 1996 e 2000
  • Premi USR, 1988
  • Premi Pader Flurin, 1988
  • Premi da promoziun dal chantun Grischun, 1995
  • Premi da la vischnanca da Sumvitg, 1998
  • Premi da la Fundaziun Ernst Göhner, 1998
  • Premi da promoziun Hermann-Lenz, 2004
  • Premi CRR, 2007
  • Premi grischun da litteratura, 2009
  • Premi da litteratura dal Conseil International de la Chasse, 2012

video
Il cudesch da Leo Tuor "Catscha sil capricorn en Cavrein"
Or da Telesguard dals 04.01.2011.
laschar ir. Durada: 3 minutas 32 Secundas.

Artitgels legids il pli savens